सोलापूर- दिल्ली येथे होत असलेल्या शेतकरी आंदोलनाला सोलापूर राष्ट्रवादी काँग्रेसने पाठिंबा देत, शनिवारी (दि. 5 डिसेंबर) दुपारी 12 वाजण्याच्या सुमारास धरणे आंदोलन केले. यावेळी शेतकऱ्यांवर होत असलेल्या अन्यायाविरुद्ध आणखी तीव्र लढा पुकरणार असल्याची माहिती, राष्ट्रवादीचे शहराध्यक्ष भारत जाधव यांनी दिली.
कृषी कायद्याविरोधात वज्रमुठ होत आहे
दिल्ली येथे मागील काही दिवसांपासून शेतकऱ्यांचे आंदोलन सुरू आहे. त्यांच्यावर पाण्याचे फवारे मारण्यात आले, लाठीमार करण्यात आला, याचे पडसाद देशभरात उमटत आहे. महाराष्ट्रातही समविचारी शेतकरी संघटना, कामगार संघटना राज्यभर आंदोलन करत आहेत. यामध्ये आता राष्ट्रवादीनेही सहभाग नोंदवला आहे. कृषी कायद्याविरोधात आता देशभरात वज्रमुठ होत असल्याचे दिसत आहे.
हेही वाचा -राष्ट्रवादी काँग्रेसचे प्रदेश उपाध्यक्ष दीपक आबा साळुंखे यांच्याविरुद्ध गुन्हा दाखल