सोलापूर - धनगर समाजाच्या आरक्षणावर शरद पवारांनी केवळ राजकारण केले असून बहुजनांवर देखील अत्याचार केल्याचा आरोप भाजपाचे विधानपरिषदेवरील आमदार गोपीचंद पडळकर यांनी केला आहे. हे नेतृत्व राज्याचे असू शकत नाही, असे ते म्हणाले. शरद पवार हा राज्याला झालेला कोरोना आहे, अशी टीका त्यांनी केली.
'शरद पवार म्हणजे राज्याला झालेला कोरोना'... आमदार गोपीचंद पडळकरांची जीभ घसरली!
पंढरपुरात त्यांनी पत्रकारांशी संवाद साधला. धनगर आरक्षणाच्या प्रश्नावर मागील फडणवीस सरकारने एक हजार कोटींची तरतूद केल्याचे त्यांनी सांगितले. मात्र या सरकारने अर्थसंकल्पात कोणतीही तरतूद धनगर समाजासाठी केली नाही. त्यामुळे केवळ राजकारणासाठी पवारांना धनगर समाज लागतो, असा आरोप त्यांनी केला.