पंढरीच्या कानड्या विठ्ठलाला आता कर्नाटकी चंदन..!

पंढरपूरमधील विठ्ठल-रूक्मिणी मंदिरात वर्षभर विविध धार्मिक कार्यक्रम चालतात. यामध्ये विविध पूजा आणि विशेषत: चंदन उटी पूजेसाठी चंदनाची मोठी गरज असते. पुजेसाठी शुध्द आणि सात्विक चंदन अल्प दरात मिळावे यासाठी मंदिर समितीने कर्नाटक सरकारकडे चंदनाची मागणी केली आहे.

सोलापूर -पंढरपूरमधील विठ्ठल-रूक्मिणी मंदिरात वर्षभर विविध धार्मिक कार्यक्रम चालतात. यामध्ये विविध पूजा आणि विशेषत: चंदन उटी पूजेसाठी चंदनाची मोठी गरज असते. पुजेसाठी शुध्द आणि सात्विक चंदन अल्प दरात मिळावे यासाठी मंदिर समितीने कर्नाटक सरकारकडे चंदनाची मागणी केली आहे.

मंदिर समितीच्या या मागणीला कर्नाटक सरकारनेही सकारात्मक प्रतिसाद दिला आहे. कर्नाटकने पंढरपूरच्या मंदिर समितीला चंदन पुरवठा करण्याचे आश्वासन दिले आहे. यासंदर्भात राज्याच्या निधी व न्याय खात्याने मंदिर समितीला पत्र दिले आहे.विठ्ठल-रूक्मिणीच्या महापूजेसाठी आणि उन्हाळयात चंदन उटी पूजेसाठी साधारण 120 किलो चंदन लागते. हे चंदन कर्नाटकातीलच काही व्यापाऱ्यांकडून जास्त दराने खरेदी केले जाते. याचा मंदिर समितीला आर्थिक फटका सहन करावा लागतो. त्यामुळे मंदिर समितीने थेट कर्नाटक सरकारकडेच चंदनाची मागणी केली आहे.कर्नाटक सरकार चंदन खरेदी करून देणार आहे. पुढील कार्यवाहीसाठी मंदिर समितीची बैठक होणार आहे, अशी माहिती मंदिर समितीचे व्यवस्थापक बालाजी पुदलवाड यांनी दिली.