सोलापूर - कोरोना विषाणूचा धोका दिवसेंदिवस वाढत चालला आहे. भारतात आत्तापर्यंत शेकडो लोक कोरोना विषाणूने बाधीत झाले आहेत. या पार्श्वभूमीवर कोरोनाच्या आपत्कालीन परिस्थितीचा सामना करण्यासाठी करमाळ्याच्या शासकीय रूग्णालयात स्वतंत्र यंत्रणा उभी करण्यात आली आहे.
'कोरोना'चा सामना करण्यासाठी करमाळा उपजिल्हा ग्रामीण रुग्णालय सज्ज
कोरोना विषाणूचा वाढता प्रादुर्भाव पाहता जिल्हा स्तरावर प्रशासकीय यंत्रणा विविध उपाययोजना करत आहे. बाधित लोकांसाठी प्रशिक्षित डॉक्टर व आवश्यक त्या सर्व तयारीसह स्वतंत्र कक्ष उभारण्यात आला आहे. तसेच लोकांच्या शंकांचे निरसण करण्यासाठी वेगळी व्यवस्था करण्यात आली आहे. लोकशिक्षणासाठी पोस्टव्दारे कोरोना विषाणू, लक्षणे व प्रतिबंधक उपाय योजनांची माहीती दिली जात असल्याचे रुग्णालयाचे वैद्यकीय अधिक्षक डॉ. अमोल डुकरे यांनी सांगितले.