सोलापूर - कडकनाथ कोंबडी फसवणूक प्रकरणी राज्याचे मंत्री सदाभाऊ खोत यांच्या नातेवाईकांवर गुन्हे दाखल करण्यात यावे, या मागणीसाठी जिल्हाधिकारी कार्यालयात आंदोलन करण्यात आले. महारयत अॅग्रो कंपनीच्या वतीने सोलापुरातील शेतकऱ्यांची फसवणूक केल्याचे उघडकीस आले आहे. त्यासंदर्भात सोलापुरातील शेतकऱ्यांनी जिल्हाधिकारी तसेच पोलीस अधीक्षकांना निवेदनही दिले आहे.
सदाभाऊ खोतांच्या नातेवाईकांवर कारवाई करा
कडकनाथ कोंबडीच्या व्यवसायातून लाखो रुपयांचे उत्पन्न प्राप्त करुन देतो, अशी बतावणी करीत महारयत अॅग्रो कंपनीने शेतकऱ्यांची फसवणूक केली आहे. कंपनीने शेतकऱ्यांकडून लाखो रुपये घेऊन शेतकऱ्यांना कडकनाथ कोंबडीची पिल्ले दिली. तसेच शेतकऱ्यांसोबत करार करून अंडी आणि कोंबड्या घेण्याची हमी दिली. मात्र शेतकऱ्यांकडून लाखो रुपये घेऊन देखील शेतकऱ्यांकडील कडकनाथ कोंबडीचे अंडी खरेदी न करता ही कंपनी पैसे घेऊन पसार झाली.