सोलापूर - माळशिरस पोलीस ठाण्याचा हद्दीत देशी दारू दुकानदाराला बंदुकीचा धाक दाखवून लुटण्यात आले होते. हा गुन्हा 14 मार्च 2018 रोजी दाखल झाला होता. या प्रकरणी पोलिसांनी नुकतेच ओडिशा आणि आंध्रप्रदेशातून 5 संशयित आरोपींना अटक केली आहे. यातील दोघांना सांगलीतून ताब्यात घेण्यात आले आहे. त्यांच्याकडून एक देशी कट्टा, पिस्तुल व जिवंत काडतुसे असा मुद्देमाल जप्त केला आहे. याबाबत पोलीस अधीक्षक तेजस्वी सातपुते यांनी अधिकृत माहिती दिली.
सोलापूर-माळशिरस पोलीस ठण्याच्या हद्दीत बंदुकीचा धाक दाखवून 14 मार्च 2018 रोजी दरोडा टाकण्यात आला. या दरोड्याचा तपास करताना पोलिसांनी एका संशयितास सदाशिव नगर (माळशिरस) येथून ताब्यात घेऊन अधिक चौकशी केली. यानंतर देशी दारूच्या दुकानाचा दरोडा उघडकीस आणला. या प्रकरणी गणेश उर्फ गोट्या हाकेअनिल उर्फ संदीप दिलीप लवटे, सम्राट उर्फ समाधान दिलीप खरात, प्रकाश श्रीरंग जाधव, सुधाकर अशोक मोहिते अशी अटक केलेल्यांची नावं आहेत.
14 मार्च 2018 रोजी या संशयित आरोपींनी माळशिरस पोलीस ठाण्याच्या हद्दीतील एका देशी दारूच्या दुकान चालकाला बंदुकीचा धाक दाखवून 31 हजार रुपयांची रोख रक्कम, 2 मोबाइल असा ऐवज लंपास केला होता.