सोलापूर - उजनी धरण पाणलोट क्षेत्रात झालेल्या पावसामुळे धरण पूर्णपणे भरले आहे. त्यामुळे प्रकल्पातून 30 हजार क्युसेक पाणी नदीपात्रात सोडण्यात आले. याव्यतिरिक्त वीज निर्मितीसाठी देखीव 1 हजार 600 क्युसेक पाण्याचा विसर्ग सुरू आहे. वीर धरणातून 800 क्युसेक पाणी नीरा नदीत सोडले जात आहे. परिणामी भीमा नदीची पाणी पातळी वाढली असून पंढरपूरजवळ पूरसदृश्य परिस्थिती निर्माण झाली आहे.
पंढरपूर तालुक्यात पुरसदृश्य परिस्थिती निर्माण झाली आहे
बुधवारी रात्री पंढरपूर, मंगळवेढा, माळशिरस, सांगोला या तालुक्यात मुसळधार पावासाची नोंद झाली. या पावासामुळे पंढरपूर तालुक्यातील आंबे, चाले, वाखरी, सरकाली, चंद्रभागा नदी काठच्या काही गावांचा संपर्क तुटला व शेतकऱ्यांचेही मोठे नुकसान झाले आहे. प्रशासनाने सर्व नदीकाठच्या गावांना सतर्कतेचा इशारा दिला आहे.