आग लागून पाच दुकाने जळून खाक, सुदैवाने जीवित हानी नाही

पोलीस आयुक्तालयापासून हाकेच्या अंतरावर असणाऱ्या गुरुनानक चौकात पाच दुकाने आगीच्या भक्ष्यस्थानी सापडली आहेत. सुदैवाने यात जीवित हानी झाली नाही. मात्र, मोठी आर्थीक हानी झाली आहे.

सोलापूर- पोलीस आयुक्तालयापासून हाकेच्या अंतरावर असलेल्या गुरुनानक चौकात अचानक आगीच भडका उडाला. या आगीत पाच दुकाने जळून खाक झाली आहेत. यामध्ये छोट्या व्यापारांचे लाखो रुपयांचे नुकसान झाले आहे.अग्निशामक दलाने ताबडतोब घटनास्थळी धाव घेऊन पाच बंब पाण्याचा फवारा करून आग आटोक्यात आणली.

पाच दुकाने जळून खाक

शनिवारी (दि. 16 जाने.) सकाळी सुरुवातीला गुरुनानक चौकातील एका गादीच्या दुकानाला आग लागली. या आगीत आजूबाजूचे मोबाईल दुकान, फोटो स्टुडिओ, महाइसेवा केंद्र, हॉटेल, असे एकूण पाच दुकाने जळून खाक झाली आहेत. दुकानांवर झाडांचा पालापाचोळा भरपूर पडला असल्याने देखील आगीचा मोठा पेट घेतला होता.

पाच बंब पाण्याचा फवारा मारून आग विझवण्यात आली

रविवार पेठ येथील अग्निशामक दलाला माहिती मिळताच एक गाडी पाण्याचा बंब घेऊन दाखल झाली.पण आग मोठी असल्याने अग्निशमन दलाला देखील कसरत करावी लागली.एकूण पाच बंब पाण्याचा फवारा करण्यात आला.आणि आग आटोक्यात आणली.

सुदैवाने जीवित हानी नाही

शनिवारी (दि. 16 जाने.) दुपारी लागलेल्या या आगीत सुदैवाने कोणत्याही प्रकारची जीवित हानी झाली नाही. पण, आर्थिक नुकसान मोठ्या प्रमाणात झाले आहे.

हेही वाचा -