पंढरपूर -पंढरपूर, मंगळवेढा पोटनिवडणुकीसाठी भारतीय जनता पार्टीकडून दामाजी सहकारी कारखान्याचे अध्यक्ष समाधान महादेव अवताडे यांना उमेदवारी देण्यात आली आहे. आमदार प्रशांत परिचारक यांनी अवताडे यांच्या नावाला पाठिंबा दिला आहे. याबाबत अधिकृत घोषणा भारतीय जनता पार्टीकडून लवकरच करण्यात येणार आहे.
कोण आहेत समाधान अवताडे?
समाधान आवताडे हे दामाजी सहकारी कारखान्याचे विद्यमान संचालक व चेअरमन आहेत. तसेच ते उद्योजक म्हणून पण ओळखले जातात. समाधान आवताडे यांनी 2014 साली शिवसेनेकडून पंढरपूर, मंगळवेढा निवडणूक लढवली होती. 2019 साली अवताडे यांनी अपक्ष निवडणूक लढवली होती, यामध्ये त्यांचा निसटता पराभव झाला. ग्रामीण भागामध्ये अवताडे गटाचे प्राबल्य आहे. पोटनिवडणूक जाहीर होण्याच्या आधीच त्यांनी प्रचाराला सुरुवात केली होती. भाजपाकडून समाधान आवताडे यांचे तिकिट जवळपास निश्चित झाले आहे. आता फक्त औपचारीक घोषणा बाकी आहे.
राष्ट्रवादीकडून भगीरथ भालके यांना उमेदवारी?