सोलापूर - 'काव्या मला माफ कर' असे म्हणत नोकरी गेलेल्या एका सॉफ्टवेअर इंजिनिअरने सोलापुरात आत्महत्या केली आहे. मधू बाबू साने असे आत्महत्या केलेल्या इंजिनिअरचे नाव आहे. सोलापूर शहराजवळ असलेल्या कुमठे गावाच्या शिवारातील शेतात गळफास घेतलेल्या अवस्थेत त्याचा मृतदेह आढळून आला होता.
सॉफ्टवेअर इंजिनिअर तरुणाने सोलापुरात आत्महत्या केल्याची घटना घडली आहे.
मधू बाबू साने हा बंगळुरू येथील कंपनीत सॉफ्टवेअर इंजिनिअर म्हणून काम करत होता. मागील 30 तारखेला तो गुटूंर येथे सासरवाडीला गेला होता. सासूरवाडीतून तो गायब झाल्याची तक्रार गुटूंर शहर पोलिसात दाखल करण्यात आली होती. मधू बाबू साने हा हरवला असल्याची तक्रार गुंटूर पोलिसात दाखल झालेली असताना त्याचा मृतदेह एका उजाड शेतात गळफास घेतलेल्या अवस्थेत सापडला. हा मृतदेह 5 दिवसांपेक्षा जास्त दिवस झाडाला लटकलेल्या अवस्थेतच होता.