पंढरपूर -कोरोनाच्या पहिल्या लाटेपेक्षा दुसऱ्या लाटेची तीव्रता अधिक भयानक आहे. दुसऱ्या लाटेमध्ये प्रौढ नागरिकांबरोबर बालकांनाही फटका बसला आहे. कोरोनाच्या नव्या स्ट्रेनमुळे बाधित झालेल्यात शहरात 587 तर ग्रामीण भागात केवळ 37 लहान मुले आहेत. 0 ते 15 वयोगटातील मुलांची रोगप्रतिकारक शक्ती चांगली असल्यामुळे कोरोनाला हरवत आहेत. मात्र, मागच्या वर्षीच्या तुलनेत यावर्षी मुलांना कोरोना लागण होण्याची आकडेवारी तुलनेत कमीच असल्याची माहिती जिल्हा आरोग्य विभागाकडून देण्यात आली आहे.
पहिल्या लाटेत 927 बालकांना कोरोना लागण -
सोलापूर जिल्ह्यात पहिल्या लाटेतील कोरोना विषाणूने सर्वात शेवटी प्रवेश केला होता. त्यानंतर कोरोनाने सोलापूर शहरासह ग्रामीण भागात धुमाकूळ घातला होता. पहिल्या कोरोना लाटेत सोलापूर शहर व जिल्ह्यात 928 बालकांना कोरोनाची लागण झाल्याचे निष्पन्न झाले होते. गतवर्षी शहरात 889 तर ग्रामीण भागात 28 मुलांना कोरोनाची बाधा झाली होती. यंदा संख्या वाढली असली तरी ती सरासरी रुग्णांच्या आकडेवारीच्या तुलनेत कमी असल्याचे दिसून येत आहे.