सोलापूर - शेलगाव वांगी येथील आदिनाथ सहकारी साखर कारखान्यातील कामगाराने आपल्या राहत्या घरी गळफास घेऊन आत्महत्या केल्याची घटना घडली आहे. ही घटना 23 जानेवारी रोजी दुपारी दोन ते तीनच्या सुमारास घडली. राजेंद्र बलभीम जाधव (वय - 45, रा. शेलगाव वांगी) असे मृत कर्मचाऱ्याचे नाव आहे.
आदिनाथ सहकारी साखर कारखान्याचे कामगाराची आर्थिक विवंचनेमुळे आत्महत्या
आदिनाथ सहकारी साखर कारखान्याच्या कामगारांचे 46 महिन्यांचे वेतन थकीत आहे. यामुळे या कारखान्याच्या कर्मचाऱ्यांमध्ये मोठ्या प्रमाणात निराशा निर्माण झाली आहे. कामगारांनी वेगवेगळ्या प्रकारे आंदोलन केले. मात्र, वेतन मिळण्यासंदर्भात कोणत्याही प्रकारचा मार्ग सापडत नसल्याने कामगाराने आत्महत्या केल्याची प्राथमिक माहिती आहे.