सोलापूर- पंढरीच्या श्री विठ्ठलाच्या दर्शनासाठी येणाऱ्या भाविकांना आता आगळा वेगळा प्रसाद मिळणार आहे. विठ्ठलाचे दर्शन घेतल्यानंतर त्या भाविकाला आता विठ्ठलाच्या चरणावरील हार हा प्रसाद म्हणून गळ्यात घातला जाणार आहे.
विठ्ठलाच्या चरणावरील हार आता भाविकांच्या गळ्यात, मंदिर समितीकडून अनोखा उपक्रम
दक्षिण काशी म्हणून ओळख असलेल्या पंढपुरात श्री विठ्ठल-रुक्मिणीच्या दर्शनासाठी राज्य व परराज्यातून लाखो भाविक येतात. देह भान विसरून शेकडो मैल पायी वारी करत येणाऱ्या वारकऱ्यांची संख्याही लाखोंच्या घरात असते. श्री विठ्ठल-रुक्मिणीच्या दर्शनासाठी आलेले भाविक देवाला अर्पण करण्यासाठी विविध प्रकारच्या फुलांचे हार घेतात. तर आता श्री विठ्ठलाला अर्पण केलेला हार भाविकांच्या गळ्यात घालण्यात येणार असल्याचे मंदिर समितीचे अधिकारी विठ्ठल जोशी यांनी सांगितले.
हेही वाचा - पंढरपुरातील भाविकांचे मोबाईल लंपास करणारे तिघे अटकेत, 55 मोबाईल जप्त