सिंधुदुर्ग - 'कोरोनामुळे जे बळी गेले, त्याला राज्य सरकार जबाबदार आहे', असा आरोप भाजपाचे खासदार नारायण राणे यांनी केला आहे. सर्वच रोगांच्याबाबतीत सरकार माकडचेष्टा करतंय, असे ते म्हणाले. तसेच महामारी हाताळण्याबाबत सरकार गंभीर नसून जनतेचं आरोग्य राखण्यासाठी देखील असमर्थ ठरल्याची टीका त्यांनी केली.
भाजपाचे खासदार नारायण राणे यांनी कणकवलीत पत्रकार परिषद घेतली.
सध्या सिंधुदुर्गात माकडतापाचे संकट गडद होत आहे. अशा परिस्थितीत अद्याप शासनाकडून लस आलेली नाही. यावर बोलताना, सर्वच आजारांच्या बाबतीत सरकारने माकडचेष्टा चालवल्याचा टोला त्यांनी लगावला. त्यामुळे जिल्ह्यातील जनतेने स्वतःच्या आरोग्याची काळजी घेण्यासाठी स्वतःच कटिबद्ध व्हावं, असे ते म्हणाले.