सिंधुदुर्ग - जिल्ह्यात बुधवारी पावसाने हजेरी लावली होती. दोडामार्ग, सावंतवाडी, कुडाळ, कणकवली, मालवण तालुक्यात मुसळधार पाऊस बरसला, तर वेंगुर्ले, देवगड, वैभववाडीत दिवसभर पावसाची संततधार सुरू होती.
तळकोकणात मुसळधार पाऊस
मान्सून दाखल झाल्यानंतर बुधवारी पहिल्यांदाच तळकोकणात मुसळधार पाऊस बरसला. त्यामुळे आता पेरणीच्या कामाला गती मिळाली आहे. त्यामुळे शेतकऱ्यांमध्ये समाधानाचे वातावरण पाहायला मिळत आहे. शिवाय मुसळधार पावसामुळे चौपदरीकरणाचे काम सुरू असलेला महामार्ग काही ठिकाणी चिखलमय झाला. परिणामी वाहन चालकांना वाहने चालवताना कसरत करावी लागत आहे.