सिंधुदुर्ग - तळकोकणाला सलग चौथ्या दिवशी मुसळधार पावसाने झोडपले. रात्री तसेच शनिवारी दिवसभर पावसाचा जोर कायम असल्याने जिल्ह्यातील ओहोळ, नदी-नाल्याच्या पाणी पातळीत कमालीची वाढ झाली आहे. गेल्या २४ तासात जिल्ह्यात सरासरी १००.६२ मिमी पाऊस पडला आहे.
मागील वर्षी जिल्ह्यात ३० जूनपर्यंत १३१५ मी.मी. पाऊस झाला होता. मात्र, यावर्षी ६०० मिली मीटरच पाऊस झाला आहे. मुसळधार पावसाने सर्वच तालुक्यातील जनजीवन विस्कळीत झाले. मालवण तालुक्यातील कातवड धुरीवाडी येथील साकव मुसळधार पावसामुळे मोडून पडला. यामुळे येथून ये-जा करणाऱ्या ग्रामस्थांची मोठी गैरसोय झाली आहे. तर सर्जेकोट येथील लक्ष्मी धर्माजी आरोलकर या महिलेच्या घरावर पहाटे फणसाचे झाड पडल्याने हजारो रुपयांचे नुकसान झाले आहे. मालवणसह जिल्हाभरात अनेक ठिकाणी पडझडीच्या घटना घडल्या आहेत. मुसळधार पावसामुळे जिल्ह्यातील नदी नाले तुडुंब भरून वाहत आहेत. तर नद्यांच्या पाणीपातळीत कमालीची वाढ झालेली आहे.
देवगड तालुक्यात सर्वाधिक पाऊस