Nitesh Rane Case Hearing : नितेश राणे यांना धक्का; अटकपूर्व जामीन अर्ज फेटाळला, उच्च न्यायालयात धाव

आमदार नितेश राणे यांची अटकपूर्व जामीन अर्जाची फेरविचार याचिका जिल्हा न्यायालयाने फेटाळली आहे. (District Court rejects MLA Nitesh Rane bail application )जिल्हा न्यायाधीश आर. बी रोटे यांनी ही याचिका फेटाळली आहे. सर्वोच्च न्यायालयाने अटकपूर्व जामीन फेटाळल्यानंतर त्यांनी ही याचिका केली होती.

सिंधुदुर्ग - आमदार नितेश राणे यांची अटकपूर्व जामीन अर्जाची फेरविचार याचिका जिल्हा न्यायालयाने फेटाळली आहे. ( Supreme Court On Nitesh Rane ) जिल्हा न्यायाधीश आर. बी रोटे यांनी ही याचिका फेटाळली आहे. संतोष परब हल्ल्याच्या गुन्ह्यात ( Santosh Parab Attack Case ) सर्वोच्च न्यायालयाने आमदार नितेश राणे यांचा अटकपूर्व जामीन फेटाळला ( Supreme Court On Nitesh Rane ) होता. त्यानंतर शुक्रवारी नितेश राणे यांनी जिल्हा न्यायालयात शरण येत जामीनासाठी फेरविचार याचिका दाखल केली होती. हा जामीन अर्ज फेटाळल्यानंतर नितेश राणे यांनी मुंबई उच्च न्यायालयात जामीन अर्ज दाखल केला आहे. या अर्जावर उद्या (2 फेब्रुवारी) सुनावणी होण्याची शक्यता आहे.

• आमदार नितेश राणे जाणार मुंबई उच्च न्यायालयात

आमदार नितेश राणे यांचा अटकपूर्व जामीन अर्जावरील फेरविचार याचिका जिल्हा न्यायालयाने फेटाळली आहे. त्यामुळे नितेश राणे हे पुन्हा मुंबई उच्च न्यायालयात धाव घेणार आहेत. दरम्यान, नितेश राणे यांनी शरण न येता जामिनावरील फेरविचार याचिका दाखल केल्याने त्यांचा हा अर्ज फेटाळण्यात आला असल्याची माहिती सरकारी वकील प्रदीप घरत यांनी दिली आहे. आमदार नितेश राणे हे कणकवलीतील आपल्या निवासस्थानी दाखल झाले आहेत.

कणकवली शहरातील नरडवे फाटा येथे शिवसैनिक संतोष परब यांच्यावर १८ डिसेंबरला हल्ला झाला होता. या प्रकरणी आमदार राणे २८ जानेवारीला जिल्हा न्यायालयात हजर झाले. त्यांनी नियमित जामिनासाठी जिल्हा न्यायालयात अर्ज दाखल केला. तो अर्ज अतिरिक्त जिल्हा व सत्र न्यायालयात दाखल करून घेण्यात आला. न्यायाधीश रोटे यांनी यावर प्राथमिक युक्तिवाद ऐकून घेतला. आज सकाळी ११ वाजल्यापासून दुपारी 3 वाजेपर्यंत सुनावणी चालली. सरकारी पक्षाच्यावतीने विशेष सरकारी वकील घरत, भूषण साळवी यांनी आमदार राणे यांना पोलीस कोठडी देण्याची मागणी केली. बचाव पक्षाच्यावतीने बाजू मांडताना सतीश मानशिंदे यांनी आमदार राणे यांना जामीन मिळावा यासाठी युक्तिवाद केला. त्यांना वकील संग्राम देसाई, राजेंद्र रावराणे, राजेश परुळेकर यांच्यासह अन्य वकिलांच्या पथकाने साथ दिली.

• न्यायालयाच्या निर्देशानुसार यंत्रणा काम करेल - सामंत

चारवेळा सुनावणी झाली. न्यायालयाने दिलेल्या निर्णयाचा सन्मान करायला हवा. न्यायालयाने जे काही निर्णय दिलेला आहे त्याच्या आधीन राहून संबंधित यंत्रणा काम करतील, युक्तिवाद आता संपलेला आहे त्यावर न्यायालयाने निर्देश दिले आहेत. बाहेरच्या निकालाचं संबंधित यंत्रणा तंतोतंत पालन करेल, अशी प्रतिक्रिया शिवसेना नेते आणि मंत्री उदय सामंत यांनी दिली आहे.

• आमदार नितेश राणे यांची गाडी पोलिसांनी अडवली -

आमदार नितेश राणे यांची गाडी पोलिसांनी अडवली. न्यायालयाने जामीन अर्ज फेटाळल्यानंतर ते जात असताना पोलिसांनी त्यांच्या समोर आपल्या गाड्या लावल्या. यामुळे वातावरण तणावाचे झाले होते. यावेळी माजी खासदार निलेश राणे आक्रमक झाले होते. थांबवण्याचे आदेश दाखवा अशी त्यांनी पोलिसांकडे मागणी केली. यावेळी भाजप कार्यकर्ते मोठ्या संख्येने जमा झाले होते.

• नितेश राणे पुन्हा न्यायालय इमारतीत दाखल

यानंतर गाडीतून उतरत आमदार नितेश राणे पुन्हा न्यायालय इमारतीत जाऊन बसले. जामीन अर्ज न्यायालयाने फेटाळल्यानंतर नितेश राणे वाहनांसह घरी निघालेले असताना पोलिसांनी आपली वाहने समोर लावत त्यांना घेराव घातला होता. यानंतर माजी खासदार निलेश राणे यांनी तुम्ही कोणत्या नियमात अडवले आहे. सर्वोच्च न्यायालयाने दहा दिवस दिलासा दिला आहे. जर तुम्ही अडवत असाल तर आदेश दाखवा, अशी मागणी पोलिसांकडे केली. यावेळी पोलीस निरुत्तर झाले. त्यानंतर त्यांचे वकील संग्राम देसाई व सतीश मानशिंदे पुन्हा नितेश राणे असलेल्या ठिकाणी आले व त्यांना जिल्हा न्यायालयाच्या इमारतीत पुन्हा घेऊन गेले.

• नितेश राणे यांचे वकील म्हणाले...

यानंतर पुन्हा एकदा आमदार नितेश राणे यांच्यासह त्यांचे दोन्ही वकील बाहेर आले. यावेळी बोलताना सतीश मानशिंदे म्हणाले, पोलिसांनी नितेश राणे यांना अडवल्याचे आम्ही न्यायालयाच्या निदर्शनास आणून दिले. न्यायालयाने त्यांना सर्वोच्च न्यायालयाने राणे यांना दहा दिवसाची मुदत दिली असल्याने अटक करता येणार नसल्याचे सांगितले. पोलिसांनी सर्वोच्च न्यायालयाच्या आदेशाचे उल्लंघन केले आहे, त्यांची ही दादागिरी असून आम्ही ती न्यायालयाच्या निदर्शनास आणून देऊ, असे ते म्हणाले.

• सरकारी वकील म्हणाले...

सरकारी वकील प्रदीप घरत यावेळी बोलताना म्हणाले, नितेश राणे हे न्यायालयाला रीतसर शरण न येता त्यांनी आपल्या अटकपूर्व जामीन अर्जावर फेरवचार करावा अशी याचिका न्यायालयात दाखल केली होती. ते न्यायालयात शरण न आल्याने या याचिकेवर या न्यायालयात सुनावणी होऊ शकत नाही, असे कारण देत न्यायालयाने त्यांचा अर्ज फेटाळला आहे.

• नियमित जामिनासाठी जिल्हा न्यायालयात अर्ज

कणकवली शहरातील नरडवे फाटा येथे शिवसैनिक संतोष परब यांच्यावर १८ डिसेंबरला हल्ला झाला होता. या प्रकरणी आमदार राणे २८ जानेवारीला जिल्हा न्यायालयात हजर झाले. (( Nitesh Rane Bail Hearing )) त्यांनी नियमित जामिनासाठी जिल्हा न्यायालयात अर्ज दाखल केला. तो अर्ज अतिरिक्त जिल्हा व सत्र न्यायालयात दाखल करून घेण्यात आला.

• राणे यांना पोलीस कोठडी देण्याची मागणी

न्यायाधीश रोटे यांनी यावर प्राथमिक युक्तिवाद ऐकून घेतला. सरकारी पक्षाच्या वतीने विशेष सरकारी वकील घरत, भूषण साळवी यांनी आमदार राणे यांना पोलीस कोठडी देण्याची मागणी केली. बचाव पक्षाच्या वतीने बाजू मांडताना सतीश मानशिंदे यांनी आमदार राणे यांना जामीन मिळावा यासाठी युक्तिवाद केला. त्यांना वकील संग्राम देसाई, राजेंद्र रावराणे, राजेश परुळेकर यांच्यासह अन्य वकिलांच्या पथकाने साथ दिली.

• अटक करण्यासाठी व्यूहरचना

आमदार राणे यांच्या नियमित जामीन अर्जावर सुनावणी होती. न्यायालयाने जामीन अर्ज फेटाळला तर तत्काळ राणे यांना अटक करण्याची पोलिसांनी व्यूहरचना आखली होती. जिल्हा न्यायालयात पोलिस अधिकारी व कर्मचारी यांचा मोठा बंदोबस्त होता. यानंतर न्यायालय इमारती बाहेर एसआरपीची तुकडी तैनात होती. पोलिससुद्धा मोठ्या प्रमाणात होते. याचप्रमाणे सिंधुदुर्गनगरीच्या नाक्यानाक्यांवर बंदोबस्त होता. या सर्व सुरक्षा यंत्रणेवर अप्पर पोलीस अधीक्षक नितीन बगाटे लक्ष ठेवून होते.

• जिल्हा सत्र न्यायालयात जामिनासाठी अर्ज करण्यात आला होता

आमदार नितेश राणे यांच्या अटकपूर्व जामिनासाठी मुंबई उच्च न्यायालयात ( Mumbai High Court )अर्ज दाखल केला आहे. कोर्टात यावर सुनावणी सुरु आहे. संतोष परब यांच्यावरील हल्ल्यात नितेश राणे यांचं नाव समोर आले आहे. त्यानंतर राणेंच्या वकिलांकडून जिल्हा सत्र न्यायालयात जामिनासाठी अर्ज करण्यात आला होता. मात्र, कोर्टाने हा अर्ज नामंजूर केला. त्यानंतर आज मुंबई उच्च न्यायालयात अटकपूर्व जामिनावर अर्जावर सुनावणी सुरु आहे.

• सिंधुदुर्गमध्ये राणे विरुद्ध शिवसेना -

कोकणामध्ये राणे विरुद्ध शिवसेना असा संघर्ष गेल्या अनेक वर्षांपासून पाहायला मिळत आहे. पुन्हा एकदा हा संघर्ष सिंधुदुर्ग जिल्हा मध्यवर्ती बँकेच्या निवडणुकीत पाहायला मिळाला आहे. तर राणे विरुद्ध शिवसेना असा सामना या निवडणुकीमध्ये रंगला होता. मात्र या निवडणुकीत अखेर राणे यांना मोठे यश मिळाले. यामध्ये राणे गटाच्या 11 जागा निवडून आल्या आहेत. तसेच शिवसेनेचे हातात असलेली सिंधुदुर्ग जिल्हा मध्यवर्ती बँक आता नारायण राणे यांच्या गटाकडे आली आहे. त्यामुळे येणाऱ्या काळात कोकणामध्ये पुन्हा नारायण राणे विरुद्ध शिवसेना असा सामना पाहायला मिळणार आहे.

• फेटाळला होता अटकपूर्व जामीन -

सर्वोच्च न्यायालयाने नितेश राणे यांचा अटकपूर्व जामीन अर्ज फेटाळला होता. त्यासोबतच 10 दिवसांत जिल्हा न्यायालयासमोर हजर राहण्याची मुदत दिली होती. त्यामुळे नितेश राणे आज जिल्हा न्यायालयासमोर हजर झाले आहेत. सर्वोच्च न्यायालयात ज्येष्ठ विधिज्ञ मुकुल रोहतगी यांनी आमदार नितेश राणे यांची बाजू मांडली होती.

• जामीनाचा मार्ग नितेश राणे यांच्यासाठी बंद?

नितेश राणे हे कणकवली पोलीस ठाण्यांमध्ये तीन वेळा चौकशीला सामोरे गेले होते. संतोष परब हल्ला प्रकरणात पोलिसांना जी मदत माझी लागेल ते मी मदत करायला तयार आहे, असे नितेश राणे यांनी म्हटले होते. सर्वोच्च न्यायालयाने नितेश राणे यांचा अटकपूर्व जामीन फेटाळल्यानंतर 10 दिवसांत सिंधुदुर्ग जिल्हा न्यायालयात हजर राहण्याची मुभा दिली होती. त्यामुळे नितेश राणे यांना सिंधुदुर्ग जिल्हा न्यायालयमध्ये कोणत्याही परिस्थितीमध्ये हजर राहावे लागणार होते. अखेर ते आज हजर झाले आहेत.

• केंद्रीय मंत्री नारायण राणे कणकवलीत तळ ठोकून -

दरम्यान केंद्रीय मंत्री नारायण राणे हे कणकवलीत दाखल झाले असून कणकवली येथील आपल्या निवासस्थानी तळ ठोकून आहेत. सर्व परिस्थितीवर राणे लक्ष ठेवून असून कोर्टात नेमका काय निकाल लागतो याकडे सर्वांचे लक्ष लागून राहिले आहे.

• नेमकं काय झाले होते त्यावेळी -

जिल्हा बँक अध्यक्ष सतीश सावंत यांचे समर्थक करंजे माजी सरपंच संतोष परब यांच्यावर 18 डिसेंबर 2021 रोजी अज्ञात इनोव्हा कारमधून आलेल्या दोघांनी टोकदार चाकूने वार केल्याने परब जखमी झाले होते. संतोष परब यांनी दिलेल्या माहितीनुसार हा हल्ला राजकीय वादातून केल्याचा संशय व्यक्त करण्यात आला होता. जिल्हा बँक इलेक्शन सुरू असतानाच झालेल्या या हल्ल्यामुळे जिल्ह्यात खळबळ उडाली आहे. संतोष परब हे मोटरसायकल वरून कनकनगर येथे जात असताना मागून येणाऱ्या नंबर प्लेट नसलेल्या इनोव्हा कारने परब यांच्या मोटरसायकलला डॉ. नागवेकर यांच्या एम. आर. आय. सेंटर नजीक मागून धडक दिली. धडकेनंतर परब रस्त्यावर पडल्यानंतर इनोव्हा कारमधून आलेल्या दोघांनी परब यांच्यावर चाकू सदृश्य टोकदार हत्याराने छातीवर वार केले.

हेही वाचा -UNION BUDGET 2022 ANNOUNCEMENTS : जाणून घ्या, केंद्रीय अर्थसंकल्पातील महत्त्वाच्या घोषणा