सिंधुदुर्ग- बहुरूपी समाज महाराष्ट्राच्या कानाकोपऱ्यात पसरलेला आहे. चतुर्थीच्या सुरुवातीला घाटमाथ्यावरून अनेक बहुरूपी कोकणात येतात. इथे भजन-कीर्तन करून आपला उदरनिर्वाह करतात. सध्या कोरोनाच्या पार्श्वभूमीवर लॉकडाऊन आहे. त्यामुळे परतीच्या प्रवासाचे दिवस आले असताना त्यांना घरी जाताही येत नाही आणि फिरून आपल्या पोटासाठी काहीतरी मिळवताही येईना अशी स्थिती होऊन बसली आहे.
कोरोनामुळे बहुरूपी कुटुंबाला फटका, प्रतीक्षा लॉकडाऊन उठण्याची
कणकवली येथील माळावर पाल ठोकून बहुरूपी समाजाचे एक कुटुंब राहत आहे. शिवाजी अय्यप्पा गणाचारी हे पत्नी आणि चार मुलांसोबत गणेश चतुर्थीनंतर सिंधुदुर्गात येतात. गावोगावचा दौरा करून भजन-कीर्तन करून मिळालेल्या पैशात ते आपलं कुटुंब सांभाळतात.