सिंधुदुर्ग- जिल्ह्यात शनिवारी एकाच दिवसात 8 कोरोना पॉझिटिव्ह रुग्ण सापडले आहेत, त्यामुळे खळबळ उडाली. कणकवली तालुक्यातील डांबरे येथील 4 रुग्ण ढालकाठी येथील 2 ,मालवण -हिवाळे येथील 1 तर वैभववाडी -नाधवडे येथील -1 रुग्ण आहे, अशी माहिती जिल्हाधिकारी के मंजुलक्ष्मी यांनी दिली आहे. जिल्ह्यात कोरोना रुग्णाची संख्या आता 16 वर पोहोचली आहे.
धक्कादायक! सिंधुदुर्ग जिल्ह्यात सापडले आणखी 8 कोरोना पॉझिटिव्ह रुग्ण - सिंधुदुर्ग जिल्हा कोरोना स्थिती
सिंधुदुर्ग जिल्ह्यात शनिवारी एकाच दिवसात 8 कोरोना पॉझिटिव्ह रुग्ण सापडले आहेत त्यामुळे खळबळ उडाली. जिल्ह्यात कोरोना रुग्णाची संख्या आता 16 वर पोचली आहे.
सिंधुदुर्गात ८ कोरोना पॉझिटिव्ह रुग्ण
जिल्ह्यात आज आणखी 8 जणांचे कोव्हिड-19 तपासणी अहवाल पॉझिटिव्ह आले आहेत. त्यामध्ये कणकवली तालुक्यातील 6 जणांचा, वैभववाडी तालुक्यातील 1 आणि मालवण तालुक्यातील एका व्यक्तीचा समावेश असल्याची माहिती जिल्हाधिकारी के.मंजुलक्ष्मी यांनी दिली आहे. कणकवली येथील 4 रुग्णांनी मुंबई येथून प्रवास केला आहे. तर दोन व्यक्तींनी रत्नागिरी जिल्ह्यातील लांजा येथून प्रवास केला आहे. मालवण तालुक्यातील रुग्ण हा ठाणे येथून आलेला आहे. वैभववाडी तालुक्यातील रुग्ण हा प्रभादेवी मुंबई येथून आलेला आहे. या नवीन 8 रुग्णांमध्ये 4 महिला व 4 पुरुषांचा समावेश आहे. या सर्वांच्या संपर्कातील व्यक्तींचा शोध घेण्यात येत आहे.
8 नवीन कोरोनाबाधीत रुग्ण सापडल्यामुळे जिल्ह्यातील कोरोनाबाधीत रुग्णांची संख्या आता 16 झाली आहे. यातील 5 रुग्ण बरे होऊन घरी गेले आहेत. आता 11 रुग्णांवर उपचार सुरू आहेत.