सिंधुदुर्ग - लाखो भाविकांचे श्रद्धास्थान म्हणून ओळखल्या जाणाऱ्या सिंधुदुर्गातील मालवण येथील आंगणेवाडी भराडी देवीची यात्रा ६ मार्च रोजी संपन्न होत आहे. कोरोनाच्या पार्श्वभूमीवर यावर्षी केवळ आंगणे कुटुंबीयांच्या उपस्थितीत मर्यादित यात्रा होणार आहे. आंगणे कुटुंबातील ५०-५० व्यक्तींना, आरोग्य तपासणी करून मंदिरात प्रवेश दिला जाणार आहे. अन्य भाविकांना यात्रेत अथवा मंदिरात प्रवेश दिला जाणार नाही. अन्य भाविकांसाठी आंगणेवाडीत येणारे मालवण, कणकवली, मसुरे हे मार्ग पोलीस प्रशासनाच्या वतीने सील केले जाणार आहेत. यात्रा कालावधीत मंदिर परिसरात एकही दुकान अथवा विक्रेताही असणार नाही, अशा सक्त सूचना जिल्हाधिकारी के. मंजुलक्ष्मी यांनी दिल्या आहेत.
सिंधुदुर्ग : आंगणेवाडी यात्रा मार्ग सील; आंगणे कुटुंबातील व्यक्तींना आरोग्य तपासणीनंतर मिळणार मंदिरात प्रवेश - आंगणेवाडी यात्रा २०२१ न्यूज
सिंधुदुर्गातील मालवण येथील आंगणेवाडी भराडी देवीची यात्रा ६ मार्च रोजी संपन्न होत आहे. कोरोनाच्या पार्श्वभूमीवर यावर्षी केवळ आंगणे कुटुंबीयांच्या उपस्थितीत मर्यादित यात्रा होणार आहे. आंगणे कुटुंबातील ५०-५० व्यक्तींना आरोग्य तपासणी करून मंदिरात प्रवेश दिला जाणार आहे. अन्य भाविकांना यात्रेत अथवा मंदिरात प्रवेश दिला जाणार नाही.
सिंधुदुर्ग : आंगणेवाडी यात्रा मार्ग सील; आंगणे कुटुंबातील व्यक्तींना आरोग्य तपासणीनंतर मिळणार मंदिरात प्रवेश
राज्यात पुन्हा कोरोनाचे रुग्ण वाढू लागल्याने शासनाने सार्वजनिक कार्यक्रमांवर निर्बंध घातले आहेत. या पार्श्वभूमीवर जिल्हा प्रशासन व आंगणे ग्रामस्थ मंडळ यांची महत्वपूर्ण बैठक आंगणेवाडी येथे जिल्हाधिकारी के. मंजुलक्ष्मी व पोलीस अधीक्षक राजेंद्र दाभाडे यांच्या प्रमुख उपस्थितीत पार पडली. बैठकीनंतर जिल्हाधिकारी यांनी मंदिर परिसराची पाहणी करत आंगणेवाडीत येणारे रस्ते भाविकांसाठी बंद करण्याच्या सूचना दिल्या आहेत.
आंगणेवाडी यात्रा मार्ग सील
आंगणेवाडीतील या देवीची ख्याती देशा-परदेशात पसरली आहे. त्यामुळे दरवर्षी भरणार्‍या या देवीच्या दीड दिवसांच्या यात्रेला मुंबई, पुणे शहरातून मोठ्या प्रमाणात चाकरमणी कोकणात दाखल होतात. मात्र यंदा सगळीकडे कोरोनाचे सावट पसरलेले आहे. त्यामुळे यंदा हा वार्षिकोत्सव मर्यादित स्वरुपाचा होणार असून यावेळी फक्त आंगणे कुटुंबियाच्या उपस्थितीत ही यात्रा पार पडेल, अशी माहिती आंगणे कुटुंबियांकडून देण्यात आलेली आहे.