कराड (सातारा)- कराड तालुक्यातील रेठरे बुद्रुकच्या कृष्णा सहकारी साखर कारखान्याचे 2020-21 या हंगामात ऊस घातलेल्या शेतकरी सभासदांना प्रतिटन 200 रूपयांचा दुसरा हप्ता जाहीर केला आहे. कारखान्याचे चेअरमन डॉ. सुरेश भोसले यांच्या अध्यक्षतेखाली झालेल्या संचालक मंडळाच्या बैठकीत हा निर्णय घेण्यात आला. दुसर्‍या हप्त्याची रक्कम पुढील आठवड्यात शेतकर्‍यांच्या खात्यावर वर्ग होईल, अशी माहिती डॉ. भोसले यांनी दिली आहे. खरीप हंगामाच्या तोंडावर दुसरा हप्ता मिळणार असल्याने शेतकर्‍यांमध्ये समाधानाचे वातावरण आहे.
कृष्णा कारखान्याने 2020-21 च्या गळीत हंगामात 154 दिवसांमध्ये 12 लाख 15 हजार मेट्रिक टन उसाचे गळीत करून 14 लाख 76 हजार 200 क्विंटल साखरेचे उत्पादन घेतले आहे. कारखान्याला यंदाच्या हंगामात 12.75 टक्के इतका साखर उतारा मिळाला आहे.