सातारा -शहरासह जिल्ह्यात रविवारी रात्री वादळी वाऱ्यासह पावसाने जोरदार हजेरी लावली. यामुळे दुष्काळी भागात जनावरांसाठी उभारण्यात आलेल्या चारा छावण्यावरील छते उडून गेली. तसेच वृक्ष उन्मळून पडल्याने वाहतुकीवर परिणाम झाला. तर काही ठिकाणी घरांचे पत्रे उडून गेले.
जिल्ह्यात वादळी वारा आणि विजांच्या कडकडाटासह जोरदार पाऊस झाला. हा पाऊस तासभर सुरू होता. यामुळे बामनोली, रहिमतपूर, मेढा, पाचवड, नागठाणे, औंध याठिकाणी मोठ्या प्रमाणावर नुकसान झाले आहे. दुसरीकडे शहरातील घरांमध्ये पाणी शिरले होते तर रस्ते जलमय झालेले पाहायला मिळाले.
वादळी वाऱ्यामुळे दुष्काळी भागात जनावरांसाठी उभारण्यात आलेल्या चारा छावण्यावरील छते उडून गेली. यामुळे शेतकऱ्यांसमोर पुन्हा नवीन संकट उभे राहिले आहे.
