सातारा -जिल्ह्यात गेल्या 24 तासांत 1 हजार 872 नागरिकांचे अहवाल कोरोना बाधित आले असून 35 बाधितांचा कोरोनाने मृत्यू झाला असल्याची माहिती जिल्हा आरोग्य अधिकारी डॉ. अनिरुद्ध आठवले यांनी दिली.
फलटणचा आकडा घटता घटेना -
सातारा जिल्ह्यात 1 हजार 872 नवे कोरोना पॉझिटिव्ह, 35 बाधितांचा मृत्यू
सातारा जिल्ह्यात गेल्या 24 तासांत 1 हजार 872 नागरिकांचे अहवाल कोरोना बाधित आले असून 35 बाधितांचा कोरोनाने मृत्यू झाला आहे.
corona positive satara
काल आलेल्या बाधितांमधे फलटण तालुक्यात सर्वाधिक 523 रुग्ण आढळले. तर जावळीत 76, कराड 140, खंडाळा 86, खटाव 204, कोरेगाव 92, माण 223, महाबळेश्वर 8, पाटण 125, सातारा 347, वाई 37 व इतर 10 असे बाधीत तालुकानिहाय आढळून आले. आज अखेर एकूण 1 लाख 66 हजार 256 नागरिकांचे अहवाल कोरोना बाधित आले आहेत. 11 हजार 171 नमुने घेण्यात आले. त्यापैकी 1 हजार 872 बाधित निघाले. जिल्ह्याचे आजचे बाधितांचे प्रमाण 16.76 टक्के इतके आहे.
21 हजार 412 रुग्ण अ‌ॅक्टिव्ह -
आज मृत्यू झालेल्या बाधितांमध्ये जावळी 2, कराड 8, खंडाळा 1, खटाव 2, कोरेगाव 3, माण 5, फलटण 1, सातारा 11, वाई 2 यांचा समावेश आहे. आज अखेर जिल्ह्यामध्ये एकूण 3 हजार 677 कोरोना बाधितांचा मृत्यू झाला आहे. तब्बल 21 हजार 412 रुग्ण जिल्ह्यात विविध ठिकाणी उपचार घेत आहेत.
2 हजार 369 नागरिकांना डिस्चार्ज -
जिल्ह्यात विविध रुग्णालयात आणि कोरोना केअर सेंटर, डीसीएचसी व सीसीसी मध्ये उपचार घेत असलेल्या आज संध्याकाळपर्यंत 2 हजार 369 नागरिकांना घरी सोडण्यात आले असल्याची माहिती जिल्हा शल्य चिकित्सक डॉ. सुभाष चव्हाण यांनी दिली.