सातारा -अज्ञात वाहनाने धडक दिल्याने दुचाकीवरील युवक ठार झाल्याची घटना घडली आहे. ही घटना मलकापूर (ता. कराड) येथे घडली. सूरज संजय चौगुले (वय - 23, रा. जखीणवाडी, ता. कराड) असे मृत तरुणाचे नाव आहे. तर 1 जण गंभीर जखमी झाला आहे. दुचाकीला धडक दिल्यानंतर वाहन चालकाने वाहनासह घटनास्थळावरून पलायन केले.
अज्ञात वाहनाच्या धडकेत दुचाकीस्वार ठार, 1 गंभीर; कराडमधील घटना - satara acceident lates news
अज्ञात वाहनाने धडक दिल्याने दुचाकीवरील युवक ठार झाल्याची घटना मलकापूर (ता. कराड) येथे घडली. सूरज संजय चौगुले, असे मृत्यू झालेल्या तरुणीचे नाव आहे.
अज्ञात वाहनाच्या धडकेत दुचाकीस्वार ठार (प्रतिकात्मक)
हेही वाचा -'सीएसटी' परिसरातील रस्त्यांचे रूप पालटणार; पालिकेचा न्यूयॉर्कच्या पार्श्वभूमीवर प्रकल्प
सुरज चौगुले व अन्य एकजण दुचाकीवरून कराडकडे येत होते. यावेळी पुणे-बंगळुरू राष्ट्रीय महामार्गावर कृष्णा रुग्णालयासमोरील उड्डाणपुलावर अज्ञात वाहनाने त्यांच्या दुचाकीला धडक दिली. त्यामुळे दुचाकीवरील दोघेही महामार्गावर पडले. दुचाकीला धडक देणारे वाहन घटनास्थळी न थांबता पुढे निघून गेले. अपघात पाहून नागरिकांनी जखमींना कृष्णा रूग्णालयात दाखल केले. मात्र, सूरज चौगुले या युवकाचा उपचारापुर्वीच मृत्यू झाला होता. तर अपघातातील दुसर्‍या जखमीचे नाव समजू शकले नाही.