सातारा : साताऱ्याचे राज्यसभा सदस्य उदयनराजे भोसले ( MP Udayanraje Bhosale ) कधी काय करतील याचा नेम नाही. त्यांनी आज पोवई नाक्यावरील 'राजधानी सेल्फी पॉईंट'वर चक्क 'लुंगी' घालून फोटो सेशन ( Udayanraje On Selfie Point ) केलं.
मोटारीत बसतांना उडवली कॉलर
झालं असं रात्री खासदार उदयनराजे सातारच्या पोवई नाक्यावरील सेल्फी पॉइंटवर ( Rajdhani Selfie Point Satara ) आले होते. त्यांनी दाक्षिणात्य पद्धतीने पांढरी लुंगी परिधान केली होती. खासदार उदयनराजे यांनी निवडक कार्यकर्त्यांसमवेत लुंगी घालून हटके एन्ट्री केली. तिथं त्यांनी फोटोसेशनही केले. त्यानंतर मोटसरीत बसताना त्यांनी 'पुष्पा'तील गाण्यावर ( Saami Saami Song Pushpa The Rise ) पुन्हा एकदा कॉलर उडवली.
लुंगी घातली कि बरं वाटत
खासदार उदयनराजे यांच्या हटके स्टाईलवर तरुणाई फिदा आहे. आज त्यांनी चाहत्यांना अनोखा अंदाज दाखवत खुश केले. यावेळी त्यांना माध्यमांनी लुंगी घालण्याचे कारण विचारताच, 'मला बरं वाटत', असे सांगितले. हटके स्टाईलमुळे लाखो फॉलोअर्स सातारकरांना नेहमीच्या स्टाईलमध्ये फ्लाईंग किस देत पुन्हा एकदा त्यांनी कॉलर उडवली. त्यामुळे येणाऱ्या काही दिवसात साताऱ्यातील उदयनराजेंचे चाहते लुंगी घालून दिसतील यात शंका नाही. स्वत: च्या हटके स्टाईलमुळे सोशल मिडीयावर फॉलोअर्स मिळवणारे उदयनराजे पुन्हा एकदा चर्चेत आले आहेत.