कराड (सातारा) - नंदादीप उत्सवाची दीर्घ परंपरा असणार्‍या पाटण तालुक्यातील मारूल हवेली गावच्या निनाईदेवी यात्रेनिमित्त दोन वर्षांनंतर यंदा जंगी कुस्त्यांचे मैदान झाले. यंदा प्रथमच महिलांच्या कुस्त्या आयोजित करण्यात आल्या होत्या. त्यामुळे पंचक्रोशीतील शौकिनांनी कुस्त्या पाहण्यासाठी गर्दी केली होती. मारूल हवेली गावचे सुपूत्र, सिक्कीमचे माजी राज्यपाल आणि सातार्‍याचे खासदार श्रीनिवास पाटील ग्रामीण पेहरावात या मैदानाला उपस्थित होते. त्यांचे सुपूत्र, राष्ट्रवादीच्या माहिती, तंत्रज्ञान सेलचे प्रदेशाध्यक्ष तथा गावच्या यात्रा कमिटीचे अध्यक्ष सारंग पाटील यांच्या नियोजनाखाली झालेल्या कुस्ती मैदानात भरघोस बक्षिसांच्या कुस्त्या झाल्या.
खासदार श्रीनिवास पाटलांनी गावच्या यात्रेत पाडला महिला कुस्तीचा पायंडा