सातारा जिल्ह्यात 977 नव्या कोरोनाग्रस्तांची वाढ; 15 बाधितांचा मृत्यू

सातारा जिल्ह्यात गेल्या 24 तासांत 977 नव्या कोरोनाग्रस्तांची वाढ झाली असून 15 बाधितांचा कोरोनाने मृत्यू झाला असल्याची माहिती जिल्हा आरोग्य अधिकारी डॉ. अनिरुद्ध आठवले यांनी दिली.

सातारा -जिल्ह्यात गेल्या 24 तासांत 977 नव्या कोरोनाग्रस्तांची वाढ झाली असून 15 बाधितांचा कोरोनाने मृत्यू झाला असल्याची माहिती जिल्हा आरोग्य अधिकारी डॉ. अनिरुद्ध आठवले यांनी दिली. रविवारी (दि. 27 जून) संध्याकाळपर्यंत 241 नागरिकांना घरी सोडण्यात आले असल्याची माहिती जिल्हा शल्य चिकित्सक डॉ. सुभाष चव्हाण यांनी दिली. आज अखेर 1 लाख 77 हजार 946 नागरीक या आजारातून बरे झाले आहेत.

कराड तालुक्यात सर्वाधिक रुग्ण

कराड तालुक्यात सर्वाधिक 255 रुग्ण आढळले. तर जावळीत 25, खंडाळा 38, खटाव 95, कोरेगाव 97, माण 48, महाबळेश्वर 18, पाटण 53, फलटण 91, सातारा 217, वाई 25 व इतर 15 असे बाधीत तालुकानिहाय आढळून आले. आज अखेर एकूण 1 लाख 91 हजार 435 नागरिकांचे अहवाल कोरोना बाधित आले आहेत. 8 हजार 753 नमुने घेण्यात आले. त्यापैकी 977 बाधित निघाले.

10 हजार 187 सक्रिय रुग्ण

रविवारी मृत्यू झालेल्या बाधितांमध्ये कराड 4, खटाव 2, कोरेगाव 2, माण 3, पाटण 1, सातारा 2, वाई 1 यांचा समावेश आहे. आजअखेर जिल्ह्यामध्ये एकूण 4 हजार 336 कोरोना बाधितांचा मृत्यू झाला आहे. 10 हजार 187 रुग्ण जिल्ह्यात विविध ठिकाणी उपचार घेत आहेत.

241 नागरिकांना डिस्चार्ज

जिल्ह्यात विविध रुग्णालयात आणि कोरोना केअर सेंटर, डीसीएचसी व सीसीसी मध्ये उपचार घेत असलेल्या आज संध्याकाळपर्यंत 241 नागरिकांना घरी सोडण्यात आले असल्याची माहिती जिल्हा शल्य चिकित्सक डॉ. सुभाष चव्हाण यांनी दिली. आज अखेर 1 लाख 77 हजार 946 नागरीक या आजारातून बरे झाले आहेत.

हेही वाचा -दारू पिताना झालेल्या भांडणात घंटागाडी चालकाची डोक्यात दगड घालून हत्या