म्हसवड : प्रांताधिकारी अश्विनी जिरंगे यांची हातभट्टीवर 'ऑन दि स्पाॅट' कारवाई

म्हसवडमधील मेरीमाता शाळे शेजारी माणगंगेच्या नदीपात्रात हातभट्टी दारू काढण्याचे काम सुरू असताना अचानक माण खटाव प्रांताधिकारी अश्विनी जिरंगे यांनी या ठिकाणी अचानक धाड टाकून कारवाई केली.

सातारा -म्हसवडमधील मेरीमाता शाळे शेजारी माणगंगेच्या नदीपात्रात हातभट्टी दारू काढण्याचे काम सुरू असताना अचानक माण खटाव प्रांताधिकारी अश्विनी जिरंगे यांनी या ठिकाणी अचानक धाड टाकून कारवाई केली. मात्र त्याठिकाणी दारू काढणारा तेथून फरार झाला आहे. देशभरात सध्या लॉक डाऊन असताना काळ्या धंद्यांना मोठा ऊत आलेला पाहायला मिळत आहे.

या ठिकाणी हातभट्टी काढण्याचे साहित्य मिळून आले आहे. त्यामुळे म्हसवड पोलिसांच्या कार्यक्षमतेवर पुन्हा एकदा प्रश्नचिन्ह उपस्थित होत असून पोलिसांना याचा सुगावा लागला नाही. मात्र प्रांताधिकारी तिथे पोहोचतात यामुळे अनेक प्रश्न उपस्थित होत आहेत. पोलिसांच्याच आशिर्वादाने हातभट्टी सुरु होते की काय? असा देखील प्रश्न या ठिकाणी उपस्थित होत आहे.