कराड - माजी मुख्यमंत्री पृथ्वीराज चव्हाण यांनी रविवारी कराडच्या वेणूताई चव्हाण उपजिल्हा रुग्णालयात कोविड प्रतिबंधक लस घेतली. दरम्यान कोरोना लसीकरणाचे कुठलेही साईडइफेक्ट नसून, नागरिकांनी न घाबरता कोरोना लस घ्यावी, असे आवाहन त्यांनी यावेळी केले. यावेळी उपजिल्हा रुग्णालयाचे वैद्यकीय अधीक्षक डॉ. प्रकाश शिंदे, तालुका वैद्यकीय अधिकारी संगिता देशमुख, प्रांताधिकारी उत्तम दिघे उपस्थित होते.
माजी मुख्यमंत्री पृथ्वीराज चव्हाण यांच्यासह त्यांचे बंधू अधिकराव चव्हाण आणि केअर टेकर नामदेव चन्ने, अशा तीन जणांना यावेळी लस देण्यात आली. लस घेतल्यानंतर पृथ्वीराज चव्हाण यांना अर्धा तास निरीक्षणाखाली ठेवण्यात आले होते. दुसरी लस 28 दिवसांनी दिली जाईल अशी माहिती वैद्याकीय अधिकाऱ्यांनी दिली आहे.
नागरिकांनी न घाबरता लसीकरण करावे