Venna Lake Overflow In Mahabaleshwar : महाबळेश्वमध्ये पावसाची संततधार, वेण्णा लेक ओव्हरफ्लो

राज्यात सध्या सर्व ठिकाण पाऊस ( Rain In Maharashtra ) पडत आहे. काही ठिकाणी नदी, नाल्यांनी धोक्याची पातळी ( Rivers Cross Denger Line ) ओलांडली असून पूरस्थिती पहायला मिळात आहे. साताऱ्याच्या महाबळेश्वरमध्येही पावसाची संततधार ( Continuous rains in Mahabaleshwar ) सुरू आहे. वेण्णा लेक पूर्ण क्षमतेने भरला असून तलावातील पाणी सांडव्यावरून वाहू लागले आहे.

सातारा -सातारा जिल्ह्याच्या पश्चिम भागात पावसाची संततधार सुरू आहे. मुसळधार पावसामुळे धरण, तलावांच्या साठ्यात मोठ्या प्रमाणात वाढ ( Water Increase In dams )होताना पाहायला मिळत आहे. महाबळेश्वरमधील वेण्णा लेक पूर्ण क्षमतेने भरला असून तलावातील पाणी सांडव्यावरून वाहू लागले आहे.

महाबळेश्वरमध्ये सर्वाधिक पाऊस -महाबळेश्वरमध्ये पावसाची संततधार ( Rain In Maharashtra ) आहे. दमदार पावसामुळे महाबळेश्वर गारठले आहे. पावसामुळे कोयना धरणाच्या जलाशयात देखील मोठी वाढ होत आहे. गेल्या चोवीस तासात धरण पाणलोट क्षेत्रातील कोयनानगर, नवजापेक्षा महाबळेश्वरमध्ये जास्त म्हणजे 135 मिलीमीटर पावसाची नोंद झाली आहे. आजअखेर महाबळेश्वरमध्ये 1,243 मिलीमीटर इतक्या पावसाची नोंद झाली आहे.

वेण्णा लेक ओव्हरफ्लो - संततधार पावसामुळे महाराष्ट्राच्या मिनी काश्मिरमधील ( Mini Kashmir ) वेण्णा लेक तुडूंब भरला ( Venna Lake filled up ) आहे. हा तलाव आता ओसंडून भरून वाहताना दिसत आहे ( Venna Lake Overflow ) . तलावाच्या सांडव्यावरून पाणी वाहू लागले आहे. पावसाळ्याच्या सुरूवातीला बोट व्यावसायिक आपल्या बोटी किनार्‍याला आणून ठेवताता. या बोटीदेखील आता वेण्णा लेकच्या पाण्यात तरंगताना दिसत आहेत. मुसळधार पावसामुळे महाबळेश्वरचा परिसर हिरवा गर्द झाला आहे. धुवांधार पाऊस, धुके, फेसाळत कोसळणारे धबधबे पर्यटकांना आकर्षित करत आहेत.

पावसामुळे नाशिकमध्ये धरणसाठ्यात वाढ -नाशिकशहरासह तालुक्यात कालपासून सुरू असलेल्या पावसामुळे जिल्ह्यातील धरणसाठ्यात वाढ झाली आहे.गंगापूर धरण 37 टक्के तर दारणा धारण 44 टक्के भरल्याने मोठा दिलासा मिळाला आहे. तर इगतपुरी,त्र्यंबकेश्वर आणि नाशिक तालुक्यामध्ये सर्वाधिक पावसाची नोंद झाली आहे. त्र्यंबकेश्वरमध्ये 92 मिलीमीटर, इगतपुरीमध्ये 93 मिलीमीटर तर नाशिकमध्ये 60 मिलिमीटर पावसाची नोंद झाली आहे. पावसाचे पुनरागमन झाले असले तरी, जिल्ह्यातील काही ग्रामीण भागात अजून काही ठिकाणी मुसळधार पावसाची प्रतीक्षा कायम आहे.

पुण्यात ८० वर्ष जुना वाडा कोसळला -पुणे शहरात मागील चार दिवसांपासून पावसाची संततधार सुरू आहे. त्याच दरम्यान, आज (शनिवार) सकाळी शुक्रवार पेठेतील नेहरु चौक येथील ८० वर्ष जुना असलेला कारंडे यांच्या तीन मजली वाड्याचा काही भाग कोसळला ( 80 Years Old Building Part Collapsed ) आहे. या घटनेत अडकलेल्या सहा जणांना बाहेर काढण्यात अग्निशामक विभागाच्या कर्मचाऱ्यांना यश आले ( Firefighters Evacuate Six People ) आहे.

हेही वाचा -CM On Flood Situation : हिंगोलीतील पूरस्थितीचा मुख्यमंत्र्यांनी दिल्लीतून घेतला आढावा