हिवाळ्यातील धुके आणि वाफांमुळे नद्या गोठल्याचा भास
सातारा : गेल्या अनेक दिवसांपासून महाराष्ट्रात थंडीची लाट आल्याचे पाहायला मिळत आहेत. सातारा जिल्ह्यात देखील गेल्या तीन दिवसांपासून थंडीचा कडाका कायम आहे. महाबळेश्वरात सलग दोन दिवस दवबिंदू गोठल्याचे पाहायला मिळाले. नदीकाठच्या गावांना देखील हुडहुडी भरली आहे. पहाटे नदीच्या पाण्यातून निघणाऱ्या वाफांमुळे नद्या गोठल्याचा भास होत आहे. शेत शिवारे दवबिंदूंनी ओली चिंब होत आहेत.
नद्या गोठल्याचा आभास : पहाटेच्या सुमारास नदीच्या पाण्यातून वाफा निघताना पाहून नदी गोठल्याचा भास होत आहे. संपूर्ण नदीपात्र वाफाळून जात आहे. पांढऱ्या शुभ्र नदीपात्रामुळे कोयना व कृष्णा नद्या बर्फाच्छादित भासत आहेत.