कराड : कोयना धरण परिसर रविवारी सायंकाळी भूकंपाच्या सौम्य धक्क्याने हादरला. रिश्टर स्केलवर भूकंपाची तीव्रता 3.9 एवढी नोंदविली गेली आहे. भूकंपामुळे नागरिकांमध्ये भीतीचे वातावरण पसरले. कोयनानगर, पाटण, कराड, पोफळी, चिपळूण परिसरात भूकंपाचा धक्का जाणवला. दरम्यान, भूकंपामुळे कोयना धरणाला कोणताही धोका पोहोचलेला नाही. तसेच कुठेही हानी झाली नसल्याचे पाटणचे तहसीलदार रमेश पाटील यांनी सांगितले.
कोयना धरण परिसरात रविवारी सायंकाळी 5 वाजून 7 मिनिटांनी भूकंपाचा धक्का बसला. या भूकंपाची तीव्रता 3.9 इतकी नोंदविली गेली. या सौम्य भूकंपाने नागरिकांमध्ये भीतीचे वातावरण पसरले होते. कोयनानगर, पाटण, कराड, पोफळी, चिपळूण या परिसरात या भूकंपाचे धक्के जाणवले. भूकंपाचे केंद्र कोयना धरणापासून 28 किलोमीटर अंतरावर वारणा खोर्‍यातील तनाली गावच्या पश्चिमेस 12 किलोमीटर अंतरावर होते. भूकंपाचे केंद्र भूगर्भात 15 किलोमीटर खोलवर नोंदविण्यात आले आहे. दरम्यान, भूकंपामुळे कोयना धरण परिसराला कोणताही धोका पोहोचलेला नाही. तसेच कुठेही पडझड झाल्याचे वृत्त नाही.