सातारा -सातारा जिल्ह्यात कोरोनाचे रुग्ण वाढू लागल्याने पोलिसांनी विनाकारण रस्त्यावर फिरणाऱ्यांना पायबंद घालण्यासाठी वाहन जप्तीचा धडाका लावला आहे. मंगळवारपर्यंत 1 हजार 401 वाहने जप्त करण्यात आली. अरुंद गल्ल्या आणि टेरेसवर गर्दी जमू नये यासाठी ड्रोन कॅमेऱयांचीही मदत घेतली जात आहे.
कारवाईची माहिती देताना सहायक पोलीस निरिक्षक वैभव वाईकर
जमावबंदीचे आदेश मोडून विनाकारण रस्त्यांवर फिरणाऱ्या वाहनचालकांना वचक बसण्यासाठी सातारा पोलिसांनी जिल्ह्यात वाहन जप्तीच्या कारवाया सुरू केल्या. सातारा जिल्ह्यात विविध पोलीस ठाण्यात 61 चार चाकी वाहनांवर तर 1 हजार 340 दुचाकींवर कारवाई करण्यात आली.