सांगली- भाजप सरकारमध्ये कोणीही शेतकरी नाही, ही शोकांतिका आहे. सरकारला शेतकऱ्यांच्या पिकांच्या नुकसानीबद्दल गांभीर्य नाही, अशी टीका काँग्रेस कार्याध्यक्ष व आमदार विश्वजीत कदम यांनी केली. सांगलीतील पलूस येथे नुकसानग्रस्त द्राक्षबागांच्या पाहणीवेळी ते बोलत होते.
सरकारला पिकांच्या नुकसानीबद्दल गांभीर्य नाही
सांगलीत आधी महापूर नंतर अतिवृष्टी आणि परतीच्या पावसामुळे पलूस-कडेगाव तालुक्यात शेतीचे आणि द्राक्षबागांचे मोठ्या प्रमाणात नुकसान झाले आहे. या बागांची आमदार कदम यांनी पाहणी केली. यावेळी त्यांनी शेतकऱ्यांशी संवाद साधला.