भाजपचे ओळखपत्र दाखवल्यावर टोल घेतला नाही जात- आमदार सुरेश हाळवणकर

भाजपचे ओळखपत्र दाखवल्यास टोल नाक्यावर टोल घेतला जाता नाही, असा गौप्यस्फोट आमदार सुरेश हाळवणकर यांनी केला आहे. त्यावर सार्वजनिक बांधकाम मंत्री चंद्रकांत पाटील आणि आपला फोटो असल्याचे हाळवणकर यांनी स्पष्ट केले आहे. मिरज येथील आयोजीत भाजप बुथ प्रमुख मेळाव्यात ते बोलत होते.

सांगली- भाजपचे ओळखपत्र दाखवल्यास टोल नाक्यावर टोल घेतला जाता नाही, असा गौप्यस्फोट आमदार सुरेश हाळवणकर यांनी केला आहे. त्यावर सार्वजनिक बांधकाम मंत्री चंद्रकांत पाटील आणि आपला फोटो असल्याचे हाळवणकर यांनी स्पष्ट केले आहे. मिरज येथील आयोजीत भाजप बुथ प्रमुख मेळाव्यात ते बोलत होते.

आगामी विधानसभा निवडणुकीच्या पार्श्वभूमीवर मिरजेत भाजपचा शक्ती केंद्र प्रमुख व बुथ कमिटी प्रमुख मेळावा पार पडला. या प्रसंगी सामाजिक न्याय मंत्री सुरेश खाडे, भाजपचे इचलकरंजीचे आमदार व प्रदेश सरचिटणीस सुरेश हाळवणकर व बुथ कमिटीचे पदाधिकारी उपस्थित होते. यावेळी मार्गदर्शन करताना आमदार हाळवणकर यांनी आगामी विधानसभा निवडणूकीत एकदिलाने काम कऱण्याच्या सूचना दिल्या. तसेच आपल्या मतदार संघात आपण भाजपच्या कार्यकर्त्यांना ओळखपत्र दिल्याचे सांगितले.

भाजपचे हेओळखपत्र दाखवल्यावर टोल नाक्यावर टोल घेतला जात नाही. अशी बाब यावेळी कार्यकर्त्यांनी निदर्शनास आणून दिली. यावर बोलताना हाळवणकर म्हणाले, ओळखपत्र चलत नाही, हे आपणाला माहिती आहे. तरीसुद्धा, टोल नाक्यावर कार्यकर्ते कार्ड बघितल्यावर त्या ओळखपत्रावर राज्याचे सार्वजनिक बांधकाम मंत्री चंद्रकांत पाटील आणि आपला फोटो असल्याने लफडं होऊ शकते. आपला टोल काढून घेतला जाऊ शकतो. यामुळे आमदार नेते, आणखी दोन कार्यकर्ते गेले तरी काय अश्या विचारतून टोलवाला सोडून देत असेल असा गौप्यस्फोट केला आहे. पुढे बोलताना ते म्हणाले, आपण आपल्या मतदार संघात ११ हजार भाजपा कार्यकर्त्यांनी ओळखपत्र दिले आहेत. ते तिकडे काय धुमाकूळ घालत असतील. हे मला समजत नाही, अश्या शब्दात हाळवणकर यांनी भाजपच्या ओळखपत्राचा कसा फायदा होऊ शकतो. हे अभिमानेने सांगत, सामाजिक न्याय मंत्री सुरेश खाडे यांनाही त्यांच्या मतदार संघात भाजप कार्यकर्त्यांना ओळकपत्र देण्याचा सल्ला दिला.