सांगली - ऊसदर आणि शेतीमालासंबधित विविध मागण्यांसाठी सांगलीत शेतकरी संघटनेचा 'राज्यस्तरीय शेतकरी मेळावा' पार पडत आहे. त्या पार्श्वभूमीवर गुरुवारी सांगली शहरातून बैलगाडी रॅली काढण्यात आली.
सांगलीमध्ये शेतकरी मेळाव्याचे आयोजन
शेतकरी संघटनेचे नेते रघुनाथ पाटील यांच्या नेतृत्वाखाली शहरातील प्रमुख मार्गांवरून ही रॅली काढण्यात आली. या रॅलीमध्ये बैलगाड्या घेऊन शेतकरी आणि शेतकरी संघटनेचे कार्यकर्ते सहभागी झाले होते. 12 डिसेंबर हा शहीद बाबू गेनू आणि शेतकरी संघटनेचे संस्थापक शरद जोशी यांच्या पुण्यतिथीचा दिवस आहे. त्यानिमित्ताने शेतकरी मेळाव्याचे आणि बैलगाडी रॅलीचे सांगलीत आयोजन करण्यात आले आहे, अशी माहिती रघुनाथ पाटील यांनी दिली.