सांगली- सांगलीत एसटी कर्मचाऱ्यांचे आंदोलन आक्रमक झाले आहे. पहाटेपासून कर्मचार्‍यांनी संप पुकारत एसटी सेवा बंद पाडली आहे. तरीही काही बसेस प्रशासनाकडून सुरू करण्यात आल्याने कर्मचाऱ्यांनी आक्रमक होऊन रस्त्यावर ठिय्या मारत बस वाहतूक रोखून धरली. त्यामुळे कर्मचारी आणि पोलिसांमध्ये जोरदार वादावादीचा प्रकारही घडल्याने काही काळ तणावाचे वातावरण निर्माण झाले होते.
सांगलीत एसटी कर्मचारी आक्रमक
बस सेवा रोखून धरली
एसटी कर्मचाऱ्यांनी बस कोणत्याही परिस्थितीमध्ये सोडणार नाही, असा पवित्रा घेतला. त्यामुळे एसटी बस स्थानकामध्ये गोंधळाचे वातावरण निर्माण झाले. कर्मचाऱ्यांच्या प्रचंड घोषणाबाजीमुळे परिसरामध्ये तणावाचे वातावरण निर्माण झाले होते. पहाटेपासून या ठिकाणी कर्मचाऱ्यांच्या संपाच्या पार्श्वभूमीवर प्रचंड पोलीस बंदोबस्त तैनात करण्यात आला आहे.