सांगली- राज्यातील महाआघाडी सरकार फार काळ टिकणार नाही. त्यामुळे शिवसेना आणि भाजपने पुन्हा एकत्र यावे. आपण मिळून सरकार बनवू असे, आवाहन केंद्रीय सामाजिक न्याय मंत्री व रिपाइं अध्यक्ष रामदास आठवले यांनी केले आहे. यावेळी आठवलेंनी ठाकरे सरकारवर जोरदार टीकाही केली. मिरजेत आयोजित कार्यक्रमात ते बोलत होते.
रामदास आठवले, केंद्रीय सामाजिक न्याय मंत्री
राज्यात उद्धव ठाकरे यांचे सरकार आल्यानंतर महिलांच्या अत्याचारांमध्ये वाढ झाली आहे. तसेच या सरकारने शेतकऱ्यांच्या कर्जमुक्तीची केलेली घोषणा फसवी निघाली आहे. केंद्र सरकारच्या एनआरसी, सीएए व एनपीआर कायद्याच्या बाबतीत बोलताना एनआरसी हा फक्त आसाम पुरता लागू होता. तो कोणत्याही राज्यात येणार नाही, त्यामुळे कोणत्याही नागरिकाचे नागरिकत्व धोक्यात येणार नाही. मात्र, काँग्रेस आणि विरोधी पक्ष मुस्लिम समाजात गैरसमज निर्माण करत आहेत, आरोप आठवले यांनी केला.