सांगली - राष्ट्रवादी काँग्रेसचे नेते शरद पवार यांच्यावर केलेल्या टिकेनंतर भाजप आमदार गोपीचंद पडळकर यांच्या विरोधात राज्यभरात संतप्त पडसाद उमटत आहेत. या पार्श्वभूमीवर सांगलीतील आटपाडी तालुक्यातल्या झरे याठिकाणी पडळकर यांच्या घरासमोर पोलीस बंदोबस्त तैनात करण्यात आला आहे.
गोपीचंद पडळकरांच्या घरासमोर पोलीस बंदोबस्त तैनात
पडळकर यांनी माफी मागावी अन्यथा त्यांना फिरू देणार नाही, असा गर्भित इशाराही राष्ट्रवादी काँग्रेसकडून देण्यात आला आहे. त्यामुळे पडळकर यांच्या घरासमोर दोन पोलीस बंदोबस्तासाठी तैनात करण्यात आले आहेत. आमदार पडळकर हे सध्या घरीच आहेत त्यामुळे सांगली पोलीस दलाकडून ही खबरदारी घेण्यात आली आहे.