सांगली -सांगली पोलिसांनी जत तालुक्यातील उमराणी या ठिकाणी एका शेतात छापा टाकून गांजा शेती उद्ध्वस्त केली आहे. यावेळी सुमारे 17 लाख 76 हजार किंमतीची 147 किलो गांजाची झाडं जप्त करण्यात आली आहेत. या प्रकरणी शेतमालकास अटक करण्यात आली आहे. स्थानिक गुन्हा अन्वेषण शाखेच्या पथकाकडून ही कारवाई करण्यात आली आहे.
श्रीकांत पिंगळे - पोलीस निरीक्षक, स्थानिक गुन्हे अन्वेषण, सांगली
सांगली जिल्ह्यातल्या जत तालुक्यातील उमराणी या ठिकाणी गांजाची शेती करण्यात आल्याची माहिती स्थानिक गुन्हे अन्वेषण शाखेच्या पथकाला मिळाली होती. माहितीनुसार पोलिसांनी उमराणी या ठिकाणी मल्लापा बिराजदार यांच्या शेतामध्ये छापा टाकला. यावेळी या शेतामध्ये ऊसाच्या शेतीआड गांजाची शेती करण्यात आल्याचे आढळून आले.