सांगली- व्हॉट्सअप ग्रुपमध्ये सामील होण्यास नकार दिल्याने दोघांना बेदम मारहाण केल्याचा प्रकार विटा येथे समोर आला आहे. याप्रकरणी 14 जणांच्या विरोधात विटा पोलीस ठाण्यात गुन्हा दाखल झाला आहे.
प्रविण साठे या व्यक्तीने 'राजे' नावाचा व्हॉट्सअप ग्रुप सुरू केला. या ग्रुपमध्ये प्रविणने त्याचा मित्र आकाश भस्मे सहभागी होण्यास सांगितले होते. मात्र, आकाशने ग्रुपमध्ये सामील होण्यास नकार दिला. याचा राग मनात धरून प्रविण साठे व त्याच्या मित्रांनी आकाशला 15 नोव्हेंबरला रस्त्यात अडवून शिवीगाळ करून मारहाण केली.