सांगली - महानगरपालिकेकडून व्यापाऱ्यांना बंधनकारक करण्यात आलेल्या परवाना शुल्क विरोधात मदनभाऊ पाटील युवा मंचकडून आंदोलन करण्यात आले आहे. युवामंचच्या पदाधिकारी आणि सभासदांनी पालिकेसमोर धरणे आंदोलन केले. त्यानंतर नगरसेवकांना पुष्पगुच्छ देवून गांधीगिरी करत परवाना शुल्क रद्द करण्याची मागणी यावेळी करण्यात आली.
सांगली महानगरपालिकेच्यावतीने पालिका क्षेत्रातील व्यापाऱ्यांना व्यवसायासाठी पालिकेचे विविध परवाने घेणे बंधनकारक करण्यात आले आहे. पाचशे रुपयांपासून 28 हजार रुपयांपर्यंत परवान्यांचे शुल्क जाहीर करण्यात आले आहेत. मात्र, या परवाना शुल्काला शहरातील व्यापाऱ्यांनी विरोध केला आहे. बुधवारी या परवाना शुल्का विरोधात महासभेच्या पार्श्वभूमीवर मदन भाऊ पाटील युवा मंचच्यावतीने धरणे आंदोलन करण्यात आले.
परवाना शुल्क विरोधात सांगलीत धरणे