सांगली - मला मत द्या, त्याच बरोबर पाणी जपून वापरा, झाडे लावा, पर्यावरणाचे रक्षण करा, असा सामाजिक संदेश देत एका अपक्ष उमेदवाराने चक्क सायकलवरून आपल्या प्रचाराला सुरुवात केली आहे. दत्ता पाटील असे या अपक्ष उमेदवाराचे नाव आहे. पाटील ५ दिवसांत सांगलीच्या वाड्या वस्त्यांवर बाराशे किलोमीटरचा प्रवास सायकलवरून करणार आहेत.
सायकलवरुन प्रचार करताना
सांगली लोकसभेच्या निवडणुकीच्या रिंगणात भाजप, स्वाभिमानी शेतकरी पक्ष आणि वंचित बहुजन आघाडी यांच्यात काट्याची टक्कर आहे. असे असले तरी या निवडणुकीच्या रिंगणात इतर पक्ष आणि अपक्ष उमेदवारही कमी नाहीत. अशा प्रकारचा सायकलवरुन केलेला प्रचार लोकांचे लक्ष वेधून घेत आहे. दत्ता पाटील यांचे निवडणुकीचे चिन्हही सायकल पंप आहे.