जागतिक एड्स दिनानिमित्त सांगलीत एच.आय.व्ही जनजागृती प्रभात फेरी

जागतिक एड्स दिनानिमित्त सांगलीत आज एच.आय.व्ही. एड्स जनजागृती प्रभात फेरी पार पडली. यावेळी शहरातील अनेक संस्था, विद्यार्थी आणि नागरिक उपस्थित होते.

सांगली- जागतिक एड्स दिनानिमित्त सांगलीत आज एच.आय.व्ही एड्स जनजागृती प्रभात फेरी पार झाली. महाराष्ट्र राज्य एड्स नियंत्रण सोसायटी आणि जिल्हास्तरीय एड्स प्रतिबंध व नियंत्रण समिती सांगली यांच्यावतीने आयोजित या रॅलीमध्ये शासकीय कर्मचारी शालेय व महाविद्यालयीन विद्यार्थी मोठ्या संख्येने सहभागी झाले होते.

पद्मभूषण वसंतदादा पाटील शासकीय रुग्णालयापासून या रॅलीला सुरुवात झाली. शहरातील प्रमुख मार्गावरून निघालेल्या या फेरीत सांगलीतील सामजिक संघटना, शालेय व महाविद्यालयाचे विद्यार्थी तसेच नर्सिंग कॉलेजचे विद्यार्थी आणि शासकीय, पालिका आरोग्य विभागाचे अधिकारी व कर्मचारी मोठया संख्येने सहभागी झाले होते. स्टेशन चौक येथे या रॅलीचा समारोप झाला. यावेळी विद्यार्थ्यांना पथनाट्य सादर केले. तसेच शासकीय रुग्णालयाचे प्रभारी अधिष्ठाता प्रदीप दीक्षित व जिल्हा शल्य चिकित्सक डॉ. संजय साळुंखे यांच्या प्रमुख उपस्थितीत यावेळी एड्स जनजागृती बाबत सामूहिक शपथ घेण्यात आली.

तसेच या रॅलीत सहभागी झालेल्या शोले स्टाईल दुचाकीने सर्वांचे लक्ष वेधले होते. तर गेल्या काही वर्षांपासून जिल्ह्यातील एच.आय.व्ही. एड्स रुग्णांची वाढलेली संख्या होती. पण, जनजागृतीमुळे एड्सचे रूग्ण कमी झाल्याचे यावेळी जिल्हा शल्य चिकित्सक डॉ. संजय साळुंखे यांनी सांगितले.

हेही वाचा - हैदराबादमधील बलात्कार प्रकरणाचा सांगलीतही निषेध; नराधमांना फाशीची मागणी