सांगली - कवठेमहांकाळच्या अलकुड एम या ठिकाणी बिबट्याच्या मागे शिकारी कुत्र्यांसह पाठलाग केल्याप्रकरणी 8 जणांच्या विरोधात वन विभागाकडून गुन्हे दाखल करण्यात आले आहेत. तसेच या तरुणांची वन विभागाकडून चौकशीही करण्यात आली आहे.
तर सदर व्हायरल व्हिडिओची वन विभागाकडून गंभीर दखल घेण्यात आली होती. याबाबत वन विभागाकडून अलकुड येथील 8 तरुणांच्या विरोधात कवठेमहांकाळ पोलीस ठाण्यात गुन्हे दाखल केले आहेत. तसेच सदर संशयित तरूणांना ताब्यात घेत चौकशी केली आहे. शिकारी कुत्र्यांसोबत नेमके त्याच वेळी ते कसे होते. तसेच काय उद्देश होता, याबाबत चौकशी केली असता, बिबट्याला पळवून लावण्यासाठी कुत्र्यांना घेऊन पाठलाग केल्याची माहिती वन विभागाकडून देण्यात आली आहे.
