सांगली - शिवप्रतिष्ठानच्या वतीने दरवर्षी काढण्यात येणारी दुर्गामाता दौड यंदा कोरोनाच्या पार्श्वभूमीवर रद्द करण्यात आली आहे. शिवप्रतिष्ठानचे निमंत्रक नितीन चौगुले यांनी संबंधित माहिती दिली.
नवरात्रीनिमित्त दरवर्षी शिवप्रतिष्ठान हिंदुस्थानच्या वतीने दुर्गामाता दौडचे आयोजन करण्यात येते. देशभक्तीचा इतिहास दौडीच्या माध्यमातून जागवण्याचा प्रयत्न शिवप्रतिष्ठानकडून करण्यात येतो. शिवप्रतिष्ठानचे संस्थापक संभाजी भिडे गुरुजी यांच्या नेतृत्वाखाली दरवर्षी ही दुर्गामाता दौड सांगली शहरांमध्ये आयोजित करण्यात येते. सांगलीतून सुरू झालेली ही दौड संपूर्ण राज्य आणि इतर राज्यात पोहोचली आहे.