सांगली -जिल्ह्यात गेल्या चार दिवसांपासून पावसाची संततधार कायम आहे. त्यामुळे कृष्णा आणि वारणा नद्यांच्या पाणीपातळीत वाढ झाली आहे. कृष्णा नदीच्या पाणीपातळीत एका रात्रीमध्ये चार फुटांनी वाढ झाली आहे, तर वारणा नदी देखील दुथडी भरून वाहत आहे.
वारणा व कृष्णा नद्यांच्या पाणी पातळीत वाढ
शहरात आज पावसाचा जोर काहीसा कमी झाला असून सकाळपासून रिमझिम स्वरूपाचा पाऊस पडत आहे. मात्र, दुपारनंतर जिल्ह्यात बऱ्याच ठिकाणी पावसाने पुन्हा जोर पकडला आहे. जिल्ह्याच्या पूर्व भागात असलेल्या शिराळा मुसळधार पाऊस सुरू आहे. चांदोली धरण परिसरात जोरदार पाऊस झाल्याने धरणाच्या पाणी पातळीत वाढ झाली आहे. सध्या धरणातून १ हजार क्यूसेक पाण्याचा विसर्ग सुरू आहे. त्यामुळे वारणा नदी दुथडी भरून वाहत आहे.