पालघर - कोल्हापूर, सांगली आणि सातारा येथे आलेल्या महापुरामुळे भयावह परिस्थिती निर्माण झाली असून अनेकांचे संसार उघड्यावर पडले आहेत. कित्येक जणांचा मृत्यू या महापुरामुळे झाला आहे. अशा संकटात सापडलेल्या नागरिकांना सामाजिक बांधिलकी म्हणून राज्याच्या कानाकोपऱ्यातून मदत केली जात आहे. जव्हार तालुक्यातील वैद्यकीय अधिकाऱ्यांनी पुढाकार घेऊन सांगली तालुक्यातील पूरग्रस्त भागांत नागरिकांसाठी आरोग्य शिबीर राबवले. तेथील नागरिकांची तपासणी करून, त्यांच्यावर योग्य औषधोपचार केले.
जव्हार येथील डॉक्टरांच्या पथकाने पूरग्रस्त सांगलीतील नागरिकांसाठी राबवले आरोग्य शिबीर