सांगली - शिराळा तालुक्यातील मांगले येथील दशवंत वस्तीतील ६ गोठ्यांना लागलेल्या आगीत २५ जनावरांचा होरपळून मृत्यू झाला. तर अनेक जनावरे गंभीर जखमी झाली आहेत. शनिवारी रात्री सव्वादहाच्या सुमारास ही घटना घडली.
गोठ्यांना लागलेल्या आगीत २५ जनावरांचा होरपळून मृत्यू, १८ लाखांचे नुकसान
शॉटसर्किटने लागलेल्या या आगीत राजाराम दशवंत, अण्णा दशवंत, भिकाजी दशवंत आणि संदीप दशवंत यांचे जवळपास १८ लाखांचे नुकसान झाले आहे. या आगीत १५ शेळ्या आणि अनेक कोंबड्या दगावल्या. त्याचबरोबर संसारोपयोगी साहित्य, खते, शेती अवजारे, धान्यही भस्मसात झाले.