रत्नागिरी - मुंबई पुण्यात नोकरीसाठी गेलेले नागरिक कोरोनाच्या वाढत्या धोक्यामुळे परत कोकणमध्ये आपापल्या गावी परतत आहेत. अशात कोकणात कोरोनाचा धोका वाढला आहे. यामुळे रत्नागिरी जिह्यातील काही गावांनी बाहेरून येणाऱ्या त्यांच्याच गावातील नागरिकांसाठी शाळेमध्ये आदर्शवत व्यवस्था केली आहे.
गावी परतणाऱ्या नागरिकांसाठी गावकऱ्यांनी स्वखर्चाने उभारले निवारे...
रत्नागिरी जिल्ह्यातल्या मंडणगड तालुक्यामधील पन्हळी, गुडेघर, उमरोली, वेरूळ धामणी या गावांनी महाराष्ट्रासमोर एक वेगळा पॅटर्न समोर ठेवला आहे. यात त्यांनी बाहेरून येणाऱ्या त्यांच्याच गावातील नागरिकांसाठी शाळेमध्ये तात्पुरता स्वरुपात लहान-लहान खोल्यांची निर्मीती केली आहे. ग्रामस्थांनी या खोल्या कापडाने उभारल्या आहेत. यात त्यांनी लाईट, फॅन याचीही व्यवस्था केली आहे.